عشق صحراسیدی میعادگه جاندی بویئر

آرخا: استاد بارز اهرلی بویوک شاعر نئچه شعر شهیدلر مقامینا یازیبدی. « بارز»ین شهیدلر گلزارینا یازدیغی شعر، بو مکانین دیواریندا یئر آلمیشدی. آنجاق نئچه ایل بوندان قاباق بو شعر مرمت حالیندا دیواردان پوزولدی. بو ایل بارزین دونیایا گؤز یومماسینین دؤردمونجو ایل دؤنومونده بو شعرین گلزارین دیورینا گلمه سینه تأکید اولونوب و وعده لر وئریلدی.
عشق صحراسیدی میعادگه جاندی بویئر
شهدا دفن اولونوب روضه رضواندی بویئر
بوردا یان یانه یاتیب نخبه جوانان رشید
دین خدائی لرینه کعبه عرفاندی بو یئر
گر دئسم مهبط ارواح مکرم بوردادور
دوشمه تردیده کی بو حرمته شایاندی بو یئر
هر ئولن بوردا یاتانماز بورا حق منظری دور
ئوزی ئوز شأنینه دونیا بویی حیراندی بو یئر
اهل توحیده برازنده اولار ملک بقا
خضر، ظلمتده تاپان چشمه حیواندی بوبئر
ابدیت چایی نین کورپوسی بوردان چکیلیر
حق طالب لرینه مظهر جاناندی بو یئر
کفنی قانلی لارین عطری بو یئردن آلینیر
آل قیزیل گوللر آچان طرفه گلستاندی بو بئر
وطن عشقینده شهامتله ئولوب بورداکیلار
مدفن اهل وفا، مجمع خوباندی بو یئر
عشق بازاری ایچون جان اولی عاشقده مطاع
نقد جان ساتماقا بیر کفه میزاندی بو یئر
قئرمزی تاج قویار باشئنا قاندان شهدا
او سببدن باشا باش لاله و ریحاندی بو یئر
پیر کنعانه دئین چوخدا فغان ایلمه سین
کی اونون یوسف صدّیقینه کنعاندی بو یئر
دل بیماریمه من بوردا شفا آلمالیام
دردی درمانسیز اولان دردلیه درماندی بو یئر
شهدا قطعه سی دور آدی بو حرمتلی یئرین
بیر ایشیق گون کیمی هریاندا نمایاندی بویئر