عاشیق صنعتی زامانلا آددیملایا بیلن بیر صنعت دیر

آرخا/ سخاوت عزتی: عاشیق کیمدیر لاپ خلاصه دئییم کی عاشیق بیر بؤیوک ادبیاتین همی یارادانی و همی داشیجیسی دیر یاخشی بیلیریک کی عاشیق اولان یئرده بؤیوک کیچیک یئری بیلینر ، غئیبت اولماز صداقت اولار ، یالان اولماز دوزلوک اولار ، اینام اولار اعتقاد اولار ، ساتقینلیق اولماز وطن سئورلیک اولار ، معنویت اولار ، حئکمت اولار نصیحت اولار
آدم اوغلو، یول- ارکانی تانی، بیل،
یول- ارکان بیلنین یئری دار اولماز.
سیررینی سؤیلمه قامو عالمه،
بیوفا دیلبردن سنه یار اولماز.
ایگید اودوطعنه اوخون آتمایا،
حالال مایاسینا حارام قاتمایا،
بیر اوغول کی، آتا سؤزون توتمایا،
او اوغولدا ناموس، غئیرت، عار اولماز.
بلی بو دور عاشیق ، گرک ده بئله اولا چونکی اؤزو حق دن سؤزو حقدن مایا باغلایان دده قوربانی لر، عباس توفارقانلی لار ، خسته قاسیم لار ، عاشیق علسگرلردن گؤنوموزه قدرکی بوتون عاشیقلاریمیز حق دئیب حقی چاغیریبلار
ایبتیدا “الیف”دن درسیم آلمیشام،
الست عالمینده دئمیشم “بلی”.
حقیقتدن ایکی گؤزل سئومیشم،
بیریسی محمد، بیریسی علی.
علی دن درس آلدیم، ائیلهدیم ازبر،
عرشین سوتونودو، یئرلره لنگر.
فاطیمه یی-زهرا، شافعیی-محشر،
اونو سئچدیم گؤزللرین گؤزلی.
بو گون سئوینیریک کی جوان نسلیمیز بو معنوی صنعته و ادبیاتا بیگانه قالماییبلار اهر ده میرزه جعفر قره چه داغی سالونوندا گئدن رویام داسان کانسئرتی بو سؤزوموزه آیدین دلیل دیر بو کانسئرت بیرداها اثباتلادی کی عاشیق صنعتی زامانلا آددیملایا بیلن بیر صنعت دیر البتده بو ایش دالغا ایله باشلانان یئنی لنمه نین دوامی دیر بو یئنی لنمه نین گؤزللیگی اوردادیر کی اصیل کؤکه صادق قالاراق مدرنلشیب دیر کانسئرت ده اجرا اولان « گؤیچه گولو » « اووشاری » « ساری گلین » …. کیمی کؤکو قدیملره گئدن هاوالار کی آدلارینی ائل طایفا و خالقین سئودیگی شخص و یئر ، یورد آدلاریندان آلیبلار ائله بیر دورومدا یئنیلشیبلر کی هر هانسی بیر یاشلی قولاق آسارسا بوتون هاوالاری خاطیرلایار گنج نسیل ده بو گونون هاواسی دئیه قولاق آسیب ذوق آلار بونا دئیَر کؤک اوسته دورما من اینانیرام بو ولکان گوروهونون سسی تئزلیکله هر بیر بؤیوک سالونلاردان گلجک بودا بیر قیسمت دیر کی باشلانیشی دده قوربانی ،عاشیق علی کلیبرلی ، عاشیق عزیز شهنازی و نئچه بئله قیمتلی اولو اوزانلارین نفس آلدیغی قاراداغدان باشلادیلار اوغور اولسون عزیزلر.